Ռուսական առաջին գնացքը հասել է Թեհրանի երկաթուղային կայարան

Քաղաքագետ Արա Պողոսյանը գրում է. 

«Առաջին գնացքը Ռուսաստանից Թուրքմենստանի երկաթուղային ճյուղի միջոցով հատելով Ինչե-Բուռուն սահմանային անցակետը հասել է Թեհրանի երկաթուղային կայարան։

Այդ գնացքը հաղթահարել է 6500 կմ ճանապարհ 10 օրվա ընթացքում, որպեսզի հասնի Թեհրանի նավահանգիստ։

Ռուսական պաշտոնյաների խոսքերով, այս գնացքով ապրանքների տեղափոխումը կրճատում է ապրանքատերերի ծախսերը կրկնակի։

Սա չափազանց կարևոր երթուղի կարող է լինել նաև Հայաստանի համար, և լոգիստիկ դիվերսիֆիկացիան պահանջում է անհապաղ Հայաստան-Իրան երկաթգծի կառուցումը, որը Հայաստանին առանց Ադրբեջանի տարածքը հատելու հնարավորություն կընձեռի միանալ իրանական երկաթուղային ցանցին, դուրս գալով դեպի Կենտրոնական Ասիա և Պարսից ծոց։

Բայց 100%-ով վստահ եմ, որ Հայաստանի այսօրվա իշխանությունները դա չեն անելու, հետևաբար Հայաստանի հաջորդ իշխանության խնդիրը առաջին հերթին Հայաստան-Իրան երկաթգծի կառուցումը պետք է լինի, առանց որի Հայաստանը կդառնա Թուրքիայի և Ադրբեջանի «լոգիստիկ գերին»»: