Լոնդոն է ժամանել առաջին ապրանքային գնացքը Չիաստանից

Դեկտեմբերի 18-ին Լոնդոն է ժամանել առաջին ապրանքային գնացքը Չիաստանից, որը հունվարի 1-ին ուղևորվել է Չժեցյան նահանգից: Ճանապարհորդությունն ամբողջ Եվրասիայով տևել է ուղիղ 18 օր:

BBC-ի հաղորդմամբ` գնացքն անցել է Ղազախստանով, Ռուսաստանով, Բելառուսով, Լեհաստանով, Գերմանիայով, Բելգիայով և Ֆրանսիայով` ուղևորության ընթացքում կտրելով համարյա 12 հազար կիլոմետր տարածություն:

Նշվում է, որ գնացքի բեռը հիմնականում կազմված է հագուստից և լայն օգտագործման այլ ապրանքներից: Ընդհանուր առմամբ Մեծ Բրիտանիա է առաքվել ապրանքների 34 բեռնարկղ:

Ակնկալվում է, որ գնացքներն ամեն շաբաթ կերթևեկեն այս երթուղով: Գաղափարի հեղինակները նշել են, որ բեռը գնացքով առաքելն ավելի արագ է, քան ծովով, և ավելի էժան, քան ինքնաթիռով: