Փարաքարի համայնքապետի uպանnւթյnւնը փետրվարյան միջադեպի շարունակությունն է, վարկածը չի փոխվել․ ՆԳՆ խոսնակ

Փարաքարի համայնքապետ Վալոդյա Գրիգորյանի սպանության դեպքի հետ կապված ՆԳՆ խոսնակից լրագրողները հետաքրքրվեցին, թե ինչո՞ւ պաշտոնանկ արվեց միայն Արմավիրի քրեական ոստիկանության պետը։ ի պատասխան Նարեկ Սարգսյանն ասաց․ «ՆԳՆ-ից միայն Բդոյանը չի պաշտոնանկ արվել։ Այս տարվա առաջին 6 ամսվա ընթացքում ՆԳ նախարարը բոլոր մարզերում անձամբ է ամփոփել ծառայությունների կատարումը և Արմավիրի մարզ այցելությունից հետո նախարարը մտահոգություն է հայտնել մարզում միջանձնային հարաբերությունների դեպքերի շուրջ կատարվող աշխատանքի վերաբերյալ և հանձնարարել է ակտիվացնել այդ աշխատանքները։ Ամփոփումից բառացիորեն օրեր հետո ծառայությունից ազատվել է մարզի պարեկային ծառայության գումարտակի հրամանատարը, ազատվել է Համայնքային ոստիկանության Վաղարշապատի բաժնի պետը»։