Կոռուպցիան ՔՊ-ական իշխանության հիմնական «մեխն» է. պատգամավոր

Կոռուպցիա կա՛․․․

Կա՛ կոռուպցիա․․․

Կոռուպցիան ՔՊ-ական իշխանության հիմնական «մեխն» է, որը զրկում է Հայաստանին և մեր ժողովրդին ապագայից։ Այն ոչնչացնում է տնտեսությունը, գիտատեխնիկական առաջընթացը, կրթությունը, բժշկությունը, և ընդհանրապես ողջ սոցիալական ոլորտը։ Այն ոչնչացնում է բարոյականությունը, օրինականությունը, արդարությունը, անվտանգությունը, զրկում է մարդկանց հույսից ու հավատից։

Կոռուպցիան սարսափելի բան է, որը կարող է սպանել և կոտրել հազարավոր ճակատագրեր: Այն մահացու վտանգ է ներկայացնում Հայաստանի ՝ որպես միասնական պետության պահպանման համար։

Բայց քանի դեռ երկրում իշխանությունն ապազգային է և անվերահսկելի, անփոփոխ և իրենից ներկայացնում է գերարագ հարստացման միջոց՝ կոռուպցիան, որպես ժանգ, կշարունակի քայքայել մեր պետականության հիմքերը, մինչև դրա կառուցվածքը վերջնական փլուզվի։

Հայաստանում 2018 թվականի իշխանազավթումից հետո խրախճանք է ժանտախտի ժամանակ։ Խրախճանք մի երկրում, որտեղ ժողովուրդի մեծ մասը հասցվել է աղքատության և նույնիսկ թշվառության, անհավատության և գոյատևման ամենօրյա պայքարի:

Իշխանական կուսակցությունը թաղված է կոռուպցիայի և ապօրինությունների մեջ․․․․

Մհեր Մելքոնյան

ՀՅԴ Շիրակի Մարզային կոմիտեի ներկայացուցիչ,

ԱԺ  «Հայաստան» խմբակցության պատգամավոր