Քաղաքացիները մեքենաներով փակել են Ալավերդի-Վանաձոր ճանապարհը

Այսօր՝ մայիսի 4-ին, կեսօրից քաղաքացիները փակել են նաեւ Ալավերդի-Վանաձոր ավտոճանապարհը:

Նշենք, որ այսօր վաղ առավոտից  քաղաքացիները կրկին կաթվածահար են արել մայրաքաղաքի մի շարք փողոցներ: Մասնավորապես՝ առավոտից փակվել են Կիեւյան կամուրջը, Հաղթանակի կամուրջը, Դավիթաշենի կամուրջը: Ոստիկանները ակցիայի մասնակիցներին բերման են ենթարկում՝ բռնի ուժ կիրառելով։ Նախօրեին ճանապարհներ էին փակվել նաեւ մարզերում, մասնավորապես՝ Սեւան-Երեւան, Վանաձոր-Երեւան, Գյումրի-Երեւան, նաեւ Գորիսից Երեւան եկող ճանապարհները:

Երեկվա հանրահավաքում ՀՅԴ ԳՄ անդամ, ԱԺ փոխնախագահ Իշխան Սաղաթելյանը հայտարարեց, մայիսի 4-ին վաղ առավոտից շարունակվում են բողոքի ակցիաները, որոնք կշարունակվեն մինչև ժամը 14։00-ն, իսկ ժամը 15․30-ին նախատեսված է հանրահավաք Ֆրանսիայի հրապարակում։