Շավարշ Քրիսյանի 135-ամյակը՝ Հայաստանում

Մարզական գործիչ, գրող, հրատարակիչ, լրագրող, մարզիչ, «Մարմնամարզ» թերթի խմբագիր, Հայ մարմնակրթական ընդհանուր միության հիմնադիրներից Շավարշ Քրիսյանի (1886-1915) ծննդյան 135-ամյակի, ինչպես նաեւ Հայ մարզիկի օրվա առիթով, ՀՄԸՄ-ՀԱՍԿ-ի վարչության նախաձեռնությամբ, հուլիսի 22-ին Հայաստանի ֆիզիկական կուլտուրայի եւ սպորտի պետական ինստիտուտում տեղի ունեցավ հարգանքի եւ հիշատակի միջոցառում՝ ՀՄԸՄ-ի Կենտրոնական վարչության ատենապետ Վաչե Նաջարյանի, անդամներ Դավիթ Հակոբյանի եւ Օշին Փիրումյանի, ՀՄԸՄ-ՀԱՍԿ-ի վարչության ներկայացուցիչների, հիմնարկի լրագրության ամբիոնի վարիչի, Երեւանի մասնաճյուղերի վարչականների եւ սկաուտների մասնակցությամբ։

Ծաղկեպսակների զետեղումից հետո ՀՄԸՄ Կենտրոնական վարչության խոսքը փոխանցեց ատենապետ Վաչե Նաջարյանը․ տեղեկանում ենք ՀՄԸՄ-ի ֆեյսբուքյան էջից։