Արշակ Սրբազանի դեմ, որքանով տեղյակ եմ, ցուցմունք չկա․ վարչախումբը պարզապես առաջնորդվում է այն սկզբունով, որ անձը կա՝ հոդված կստեղծենք․ Սերգեյ Հարությունյան

Երևանի ընդհանուր իրավասության դատարանի Ավան նստավայրում   ընթանում է Մայր Աթոռի դիվանապետ Արշակ արքեպիսկոպոս Խաչատրյանին կալանավորելու միջնորդության քննությունը։ Դատավորն է՝ Մասիս Մելքոնյանը։ 

«Արշակ Սրբազանը միայն ծիծաղել է այս ամենի հետ կապված, որովհետև այս ամենը ծիծաղելի է, զավեշտալի և ամոթ»,- լրագրողների հետ զրույցում ասաց փաստաբան Սերգեյ Հարությունյանը։

«Այս ամենին մի վերաբերվեք որպես փաստ, որպես իրավաբանություն, սա իրաբանաության հետ արդեն կապ չունի, այլ որպես արշավի շարունակություն․ 3 սրբազան ունենք կալանավայրում և 4-րդին փորձում են տանել։ Վարչախումբը պարզապես առաջնորդվում է այն սկզբունով, որ անձը կա՝ հոդված կստեղծենք»,- հավելեց փաստաբանը։