Եթե ԱՄՆ-ի հետ համաձայնության չգանք, ինքնուրույն կստեղծենք անվտանգության գոտին. Թուրքիայի ԱԳՆ

Թուրքիայի արտաքին գործերի նախարարության մամլո խոսնակ Համի Աքսոյն անդրադարձել է վերջին շրջանում ծավալվող թուրք-ամերիկյան բանակցություններին` կապված Սիրիայի հյուսիսային հատվածում անվտանգության գոտու ստեղծման հետ:

«Եթե ԱՄՆ-ի հետ ընդհանուր հայտարարի չգանք, ապա ստիպված կլինենք միայնակ ստեղծել անվտանգության գոտին: Օգոստոսի 3-ին մեր երկիր ամերիկյան զինվորական պատվիրակություն կժամանի, որի հետ կշարունակենք բանակցությունները»,- Աքսոյի խոսքերն է մեջբերում diken.com.tr կայքը:

Նմանատիպ հայտարարությամբ էր հանդես եկել նաև Թուրքիայի ՊՆ ղեկավար Հուլուսի Աքարը, որը հայտարարել էր.  «Թուրքիան թույլ չի տա, որ իր հարավում ահաբեկչական միջանցք բացվի: Թուրքիան ոչ միայն իր և իր ժողովրդի անվտանգությունն է ցանկանում, այլև այս տարածաշրջանում ապրող քրդերի, արաբների, ասորիների, քրիստոնյաների, եզդիների և այլ կրոնական ու էթնիկ խմբերի»: