ՏԵՍԱՆՅՈՒԹ. Հայտնաբերվել են Հայաստանում Վրաստանի դեսպանի դիվանագիտական Mercedes-ից գողացված հայելիները

Դեկտեմբերի 16-ի գիշերը ոստիկանության Կենտրոնական բաժնի քրեական հետախույզները հայտնաբերել են օտարերկրյա դիվանագիտական հաստատություններից մեկի հաշվեկշռում գտնվող «Մերսեդես» մակնիշի ավտոմեքենայի գողացված կողային հայելիները։ Դրանք հափշտակած երիտասարդը վաճառել էր. Yerkir.am-ին հայտնում են Ոստիկանությունից:

Հիշեցնենք, որ դեկտեմբերի 14-ին՝ ժամը 11-ն անց 40-ի սահմաններում, ոստիկանությունում հաղորդում էր ստացվել, որ գողացել են օտարերկրյա դիվանագիտական հաստատություններից մեկի հաշվեկշռում գտնվող «Մերսեդես» մակնիշի ավտոմեքենայի կողային հայելիները։ Ավելի ուշ պարզվել էր հանցագործությունը կատարած անձի ինքնությունը։

Երևանի բնակիչ, 16-ամյա երիտասարդը ոստիկանությունում դեպքի վերաբերյալ տվել էր համապատասխան բացատրություն։ 

Հանգամանքները քննությամբ պարզվում են։