ՏԵՍԱՆՅՈՒԹ. Նոր Զելանդիայում հրաբուխ է ժայթքում

Նոր Զելանդիայի Ուայթ Այլենդ հրաբխային կղզում տեղի է ունեցել հրաբխի ժայթքում. ըստ Yerkir.am-ի՝ հայտնում է ՌԻԱ «Նովոստի»-ն՝ արտակարգ իրավիճակների կառավարման ազգային գործակալությանը հղումով:

«Ուայթ Այլենդում տեղի է ունենում հրաբխի ժայթքում»,- նշված է գործակալության Twitter-ում հրապարակած հաղորդագրությունում:

Այս պահին գործակալությունը փորձագետների հետ միասին փորձում է գնահատել հնարավոր վտանգի աստիճանը:

Տեղի իշխանությունները կոչ են անում հետևել փրկարար ծառայությունների ցուցումներին:

Հավելենք, որ Al Jazeera-ի հաղորդմամբ, հրաբխի ժայթքումից զբոսաշրջիկներ են տուժել՝ ստանալով տարբեր աստիճանի մարմնական վնասվածքներ: