Այսօր լրացել է ՌԴ-ում գտնվող անօրինական միգրանտների կարգավիճակը օրինականացնելու վերջնաժամկետը

Այն օտարերկրացիները, որոնք չեն կարողանա դա անել, սեպտեմբերի 11-ից կենթարկվեն արտաքսման, նրանց մասին տեղեկատվությունը կներառվի վերահսկվող անձանց գրանցամատյանում։

Դեռևս ապրիլին Պուտինը հրամանագիր է ստորագրել, որով անօրինական միգրանտների համար իրենց կարգավիճակը օրինականացնելու հնարավորությունը երկարաձգվել է մինչև սեպտեմբերի 10-ը։ Այս ամբողջ ընթացքում ՌԴ ՆԳՆ–ն աշխատանքներ է տարել օտարերկրացիների համար այս խնդիրը հեշտացնելու ուղղությամբ։

- Միգրացիոն բաժիններում բացվել են ընդունելության լրացուցիչ պատուհաններ,

- Ճշգրտվել են աշխատանքային գրաֆիկները,

- Ստեղծվել է փոխգործակցություն հյուպատոսությունների հետ,

- Պարբերաբար անցկացվել են հանդիպումներ և տեսակոնֆերանսներ ԱՊՀ երկրների դիվանագիտական առաքելությունների ներկայացուցիչների հետ։