Որոշ առարկաների ծրագրերում հաջորդ տարվանից փոփոխություններ կլինեն. ԿԳ նախարար

ԿԳ նախարարի պաշտոնակատար Արայիկ Հարությունյանը լրագրողների հետ զրույցում անդրադարձել է դպրոցական դասագրքերի խնդրին: Նա տեղեկացրել է, որ Համաշխարհային բանկի և Եվրոպական Միության աջակցությամբ այժմ մշակվում են նոր չափորոշիչներ, որից հետո անդրադարձ կարվի նաև նոր դասագրքերի հրատարակմանը:

«Հանրակրթությունը պահպանողական ոլորտ է, և այստեղ  փոփոխությունների համար ժամանակ է պահանջվում: Նոր ծրագրերի ներդրման և փորձարկման համար ամիսներ ու տարիներ են պետք, մենք անելու ենք առավելագույնը, որ այդ գործընթացները հնարավորինս կարճ տևեն»,- նշել է Հարությունյանը:

Նրա խոսքով՝ որոշ առարկաների ծրագրերում հաջորդ ուսումնական տարվանից փոփոխություններ կլինեն: