Ով որքան ձայն է հավաքել Կոտայքի մարզում

Թիվ 10 ընտրատարածքում, որը ներառում է Կոտայքի մարզը, ամենաշատ ձայն է ստացել «Ծառուկյան» դաշինքից Դավիթ Մանուկյանը`  20761 ձայն: Նա Ուկրաինայում ՀՀ դեսպան Անդրանիկ Մանուկյանի որդին է: Մանուկյանին հաջորդում է ՀՀԿ-ից Սամվել Սանամյանը` 12645  ձայն, ՀՀԿ-ից  Անդրանիկ Հարությունյանը` 11324 ձայն, ՀՀԿ-ից Կոտայքի մարզի նախկին մարզպետ Արամ Հարությունյանը` 10808 ձայն: ՀՀԿ խմբակցության պատգամավոր, ԱԺ տնտեսական հարցերի մշտական հանձնաժողովի նախագահ Վարդան Այվազյանն այս ընտրատարածքում ստացել է 7226 ձայն:

«Ելք» դաշինքի անդամ, Հրազդանի նախկին քաղաքապետ, ԱԺ նախկին պատգամավոր, նախկին մարզպետ Սասուն Միքայելյանը հավաքել է 6652 ձայն:

ՀՅԴ-ից այս ընտրատարածքում Արտաշ Հունանյանը հավաքել է 1021 ձայն, իսկ Հայկ Սարգսյանը` 671 ձայն: