ԵՏՄ-ում բավականաչափ խնդիրներ կան. Լուկաշենկո

Բելառուսի նախագահ Ալեքսանդր Լուկաշենկոն հայտարարել է, որ ԵՏՄ-ում զգալի խնդիրներ կան և ապաինտեգրման վտանգ կարող է առաջանալ, եթե մասնակից երկրները խնդիրների հաղթահարման ծրագիր չմշակեն. հայտնում է РИА Новости-ն:

«ԵՏՄ-ում ապրանքաշրջանառության 30-40–տոկոսանոց անկումը խոսում է խնդիրների մասին: Մենք բավականին խնդիրներ ունենք, այդ մասին խոսում են բոլոր նախագահները: Եթե մոտ ժամանակներս իրավիճակից ելք գտնելու նորմալ ծրագիր չմշակենք, վախենամ, որ ինչ-որ ապաինտեգրում սկսվի, ինչը ոչ մի դեպքում թույլ տալ չի կարելի»,– ասել է Լուկաշենկոն։

Մինույն ժամանակ, նա նշել է, որ խնդիրներն աղետալի բնույթ չեն կրում, դրանք հնարավոր է հաղթահարել: