ԱԺ-ն հետեւել է կառավարության օրինակին

ԱԺ-ում շարունակվում են 2015թ. բյուջեի կատարողականի քննարկումները:

Հաշվետվություն ներկայացրեց ԱԺ աշխատակազմի ղեկավար Հրայր Թովմասյանը: Անդրադառնալով վերջին օրերի արդիական թեմային՝ ծառայողական մեքենաների կրճատմանը, նա նշեց, որ ԱԺ աշխատակազմը կրճատումներ է արել, և այս պահի դրությամբ շահագործվում է ընդամենը 69 ծառայողական մեքենա:

Հրայր Թովմասյանի խոսքով՝ կան կրճատումներ նաև ԱԺ աշխատակազմում, կրճատվել է 27 անձ, 7-ը հաստիքային կրճատումներ են:

Ըստ նրա` 170 միլիոն դրամի խնայողություն է կատարվել, որը ուղղվել է հիմնականում էներգետիկ, կոմունալ ու կապի ծառայությունների աշխատակիցների աշխատավարձերի վճարմանը: 

«Խնայողությունների ռեժիմը շարունակվում է. միայն գործուղումների մասով, անցյալ տարվա 195 միլիոն դրամի փոխարեն, այս տարի ծախսվել է 156 մլն դրամ»,- ասաց Հրայր Թովմասյանը: