Հույս միշտ ունենք. Բեգլարյանը՝ վարչապետին

Այսօր կառավարության նիստում, երբ ՀՀ տրանսպորտի և կապի նախարար Գագիկ Բեգլարյանը ներկայացնում էր որոշման նախագիծ, ըստ որի`  նախատեսվում է երկու ամսով երկարացնել Հայաստանի Հարավային երկաթուղու կառուցման համար անհրաժեշտ միջոցառումների (ճանապարհային քարտեզի) ցանկի և կոնցեսիոն պայմանագրում փոփոխություններ կատարելու մասին համապատասխան իրավական ակտերի ընդունման ժամկետները, ՀՀ վարչապետ Հովիկ Աբրահամյանը նրան հարցրեց. «Հույս ունե՞նք այդ հարցով»:

Գագիկ Բեգլարյանը պատասխանեց. «Հույս միշտ ունենք»:

«Հույսով հո չե՞նք ապրելու հարյուր տարի, հարցնում եմ՝ գործնականում հույս ունե՞նք»,- հարցրեց վարչապետը:

Գագիկ Բեգլարյանը պատասխանեց. «Աշխատում ենք, որ իրականացվի»: