Սահմանամերձ գյուղերի բնակիչներին արտոնություններ տալն անհրաժեշտություն է. Լիլիթ Պիպոյան

Արդեն տեղեկացրել ենք, որ Ազգային ժողովի վեց խմբակցությունները սահմանապահ համայնքներին արտոնություններ տալու մտադրությամբ առաջիկայում պատրաստվում են հանդես գալ օրենսդրական նախաձեռնությամբ:

Yerkir.am-ի հետ զրույցում երգիչ-երգահան Լիլիթ Պիպոյանը նշեց, որ սահմանամերձ գյուղերի բնակիչներին արտոնություններ տալը ոչ թե բարի կամքի դրսևորում պետք է լինի, այլ անհրաժեշտություն:

«Մենք անընդհատ կիսապատերազմական վիճակում ենք, և տեղի բնակիչներին այսկերպ ոգևորելն ուղղակի անհրաժեշտ է: Սա էլ ուշադրություն է, խթան` տեղում մնալու ու ինչ-որ բան սկսելու: Լավ է, որ ինչ-որ միջոցներ են ձեռնարկում` տեղի բնակիչներին օգնելու»,- ասաց Պիպոյանը:

Ըստ նրա` նման քայլ պետք է վաղուց արվեր: