Ուզում էի` դերասանն աչքերի միջոցով իր ասելիքը փոխանցի. Ալեն Մանուկյան

Ալեն Մանուկյանի “Հարություն” ֆիլմն ընդգրկված է “Ոսկե ծիրան” կինոփառատոնի ՞Հայկական համայնապատկեր” անվանակարգում:

Լրագրողների հետ հանդիպման ժամանակ Մանուկյանը նշեց, որ ֆիլմը նկարահանլ է երեք օրում, և այն իր կուրսային աշխատանքը պետք է լիներ:

“Սցենարի հեղինակը ես եմ, այն գրելու գործընթացն ավելի երկար է տվելՙ մի քանի ամիս, քանՙ ֆիլմի նկարահանման աշխատանքները: Յուրաքանչյուր մոր համար իր տղան Հիսուս է, յուրաքանչյուր տղայի համար էլ իր մայրը Մարիամ Աստվածածին է. Փորձել եմ ֆիլմում մոր և տղայի կապը ցույց տալ”,-ասաց Մանուկյանը:

Նա տեղեկացրեց նաև, որ ֆիլմի գլխավոր դերակատարը` Վաչե Երիցյանը, սովորում է Թատերական ինստիտուտում, և ֆիլմը նրա համար դեբյուտային էր:

“Երբ հերթը հասավ դերասանների ընտրությանըՙ փնտրում էի մեկին, ով ավելի շատ կկարողանա իր միմիկայի միջոցով ֆիլմի ասելիքը փոխանցել հանդիսատեսին: Կարծում եմՙ դերասանը պետք է խաղա աչքով և ականջով. ես տեսա, որԵրիցյանը կարողանում է միմիկայով շատ բան ասել, աչքերով փոխանցել ասելիքը: Առհասարակ, խոսքը շատ քիչ է ֆիլմում”,-ասաց ռեժիսորը: