Ապարանի տներից մեկում գազի արտահոսքն ուղեկցվել է պայթյունով

Հոկտեմբերի 30-ին` ժամը 09.36-ին, ԱԻՆ-ում տեղեկատվություն է ստացվել, որ ժամը 04.00-ի սահմաններում Արագածոտնի մարզի Ապարան քաղաքի Մաշտոցի փողոցի տներից մեկում տեղի է ունեցել գազի արտահոսք, որն ուղեկցվել է պայթյունով: 
Դեպքի վայր է մեկնել ՀՓՋ-ի օպերատիվ խումբը:

Պարզվել է, որ Գ. Բ.-ին պատկանող թիվ 57 տանը (մեկ հարկանի, 70 քմ ընդհանուր մակերեսով) գազի արտահոսքից տեղի է ունեցել պայթյուն, ինչի հետևանքով վնասվել են խոհանոցի առաստաղը (20 քմ մակերեսով), պատերը, պատուհանը, դուռը և դրսից թափվել է 10 քար: Զոհեր, վիրավորներ չկան:

Դեպքի մասին տեղեկացվել է ՀՀ ԱԻՆ «Տեխնիկական անվտանգության ազգային կենտրոն» ՊՈԱԿ-ի խմբի ղեկավարը: