Ադրբեջանում քարոզարշավն ուղեկցվել է խախտումներով. 479 թեկնածու հրաժարվել է ընտրապայքարից

Հոկտեմբերի  30-ին «Ժողովրդավարական նախաձեռնությունների ինստիտուտ» ոչ կառավարական կազմակերպությունը հրապարակել է Ադրբեջանի խորհրդարանական ընտրությունների մոնիթորինգի վերաբերյալ 2-րդ միջանկյալ զեկույցը. հայտնում է contact.az-ը:

Զեկույցում նշվում է, որ  խորհրդարանական ընտրությունների քարոզարշավի գործընթացն ուղեկցվել է տեղական ինքնակառավարման մարմինների միջամտությամբ, ընդդիմադիր թեկնածուների նկատմամբ ճնշումներով, վարչական ռեսուրսների օգտագործմամբ,  հավասարության սկզբունքի ոտնահարմամբ: Արդյունքում՝ 479 թեկնածու անհայտ պատճառներով հրաժարվել է ընտրապայքարից։ 

Մոնիթորինգը ներառում է հոկտեմբերի 10-28-ն ընկած ժամանակահատվածը: