Վրացի պատգամավորներին առաջարկել են ինքնաթիռով աշխատանքի հասնել

Վրաստանում առաջարկել են պատգամավորներին աշխատանքի (և աշխատանքից տուն) հասցնել ինքնաթիռով: Նման առաջարկով, ինչպես հաղորդում է Грузия Online-ը, հանդես է եկել խորհրդարանական մեծամասնության ներկայացուցիչ Դավիդ Սագանելիձեն:

Նախաձեռնությունը կապված է այն բանի հետ, որ երկրի խորհրդարանը ավելի վաղ մայրաքաղաքից տեղափոխվել է Քութայիս, որը գտնվում է երկրի արևմտյան հատվածում:

«Վրացական երազանք» կոալիցիայի ներկայացուցչի խոսքերով` ինքն արդեն պայմանավորվել է չվերթերի համար «Աիրզենա» ընկերության հետ: Առավոտյան թռիչքը կիրականացվի 10:00-ին, իսկ երեկոյան` 21:00-ին: Այսպիսով` պատգամավորները ընդամենը 20 րոպեում կարող են աշխատանքի վայր հասնել: Թռիչքը կարժենա մոտ 54 դոլար: