Համերգ` զինծառայողների համար

Զինծառայողների առօրյան առավել հետաքրքիր դարձնելու և անձնակազմի համար լիցքաթափվելու հնարավորություններ ստեղծելու նպատակով պաշտպանության նախարարության և հասարակական կազմակերպությունների նախաձեռնությամբ տարաբնույթ միջոցառումներ են կազմակերպվում:

Նշված միջոցառումներից հերթականը օրերս տեղի է ունեցել արևելյան ուղղությամբ տեղակայված զորամասերից մեկում:

«Ղարաբաղ» և «Զանգեզուր» հասարակական կազմակերպությունների կողմից իրականացված ծրագրի շրջանակներում զինվորականների համար կազմակերպվել է համերգ, որի ընթացքում բազմաթիվ հայրենասիրական երգերի կատարումներով հանդես են եկել հանրապետության ճանաչված արվեստագետներ. հայտնում են ՊԲ լրատվական բաժնից: