Զենքի դիմաց` նվեր

Լոս Անջելեսի ոստիկանությունը քաղաքացիներին փոխանակում է առաջարկում` հանձնել զենքը եւ ստանալ նվեր-քարտ. տեղեկացնում է Reuters-ը: Այդպես քաղաքապետ Անտոնիո Վիլյարագոսան որոշել է  պայքար մղել քրեական տարրերի դեմ եւ բացառել Նյութաունի դպրոցում տեղի ունեցածի նման ողբերգությունները:

Ոստիկանության սպաները դեկտմբերի 26-ին 200 դոլարի նվեր-քարտեր են բաժանել ինքնաձիգների համար, 100 դոլարի` ատրճանակների եւ հրացանների համար: Զենք հանձնողները հնարավորություն են ունեցել չհայտնելու իրենց անունները:

The Los Angeles Times-ի տվյալներով` ակցիային մասնակցել են հազարավոր քաղաքացիներ: Ի դեպ, նման ակցիաներ Լոս Անջելեսում անցկացվում են 2009 թվականից: Նրա օրինակին են հետեւում արդեն այլ քաղաքներ, այդ թվում`  Դետրոյտը եւ Բոստոնը: