Տիմոշենկոյին մեղադրում են պատգամավորի սպանության մեջ

Ուկրաինայի գլխավոր դատախազությունը երկրի նախկին վարչապետ Յուլյա Տիմոշենկոյին նոր մեղադրանք է ներկայացնում. նա կազմակերպել է Գերագույն ռադայի պատգամավոր Ռվգենի Շչերբանի սպանությունը. տեղեկացնում է РБК-ն:

Գլխավոր դատախազի տեղակալ Ռենատ Կուզմինը Առաջին ազգային հեռուստաալիքի եթերից հայտարարել է, որ Տիմոշենկոյի մեղքը պատրաստ են ապացուցել մի քանի վկաներ: Պատգամվորի որդին նույնպես չի կասկածում, որ նախկին վարչապետը մասնակից է իր հոր սպանությանը:

Ըստ Կուզմինի` Տիմոշենկոյի դեմ պաշոտնական մեղադրանք ներկայացնելուն խանգարում է վերջինիս առողջական վիճակը, սակայն անհրաժեշտ փաստաթղթերը գլխավոր դատախազությունը ստացել է դեռեւս այս տարվա գարնանը:

Եվգենի Շչերբանը սպանվել է Դոնեցկի օդանավակայանում 1996 թվականին:

Հիշեցնենք, որ Տիմոշենկոն ներկայումս պատիժ է կրում ՌԴ-ի հետ գազային պայամանագիր կնքելիս պաշտոնեական լիազորությունները գերազանցելու մեղադրանքով: Նրա առողջական վիճակը ծանր է, եւ նրան գաղութից տեղափոխել են Խարկովի հիվանդանոց: