112 տղային` 100 աղջիկ. ո՛չ խտրականությանը

Հոկտեմբերի 3-7-ը կայանալիք ԵԽԽՎ–ի լիագումար նիստում քվեարկության կդրվի մի բանաձև, որը նախատեսում է արգելել բժիշկներին ծնողներին նախապես հայտնել ապագա երեխայի սեռը:

Ինչպես տեղեկացնում է The Telegraph պարբերականը, բանաձևի նպատակն է կանխել երեխայի սեռի պատճառով արհեստական վիժեցումները: Հայաստանում, Ալբանիայում և Ադրբեջանում նորածինների հարաբերակցությունը հետևյալն է՝ 112 տղայի դիմաց՝ 100 աղջիկ:

Զեկույցում նշվում է, որ երեխայի սեռի ընտրությանը կարելի է դիմել միայն ժառանգական հիվանդությունները կանխելու համար։ Բանաձևի նախագիծը վերոնշյալ երկրներին կոչ է անում ուսումնասիրել դրա պատճառները, իսկ ԵԽ անդամ բոլոր պետություններին` արգելել բժիշկներին նախապես հայտնել երեխայի սեռը: