Ալավերդին նոր քաղաքապետ ունի

Սեպտեմբերի 11-ին Ալավերդի քաղաքում կայացած քաղաքապետի ընտրություններում ձայների մեծամասնությամբ հաղթանակ է տարել Ալավերդու նախկին փոխքաղաքապետ, Հայաստանի Հանրապետրական կուսակցության անդամ Արտավազդ Վարոսյանը:

Նրա օգտին քվեարկել է 3484, իսկ վերջինիս մրցակցի` կոմունիստ Կամո Բաբայանի օգտին` 386 ընտրող:

Ընդհանուր առմամբ, Ալավերդիում ընտրողները պասիվ են եղել. ընտրություններին մասնակցել է ընտրողների ընդհանուր թվի մոտ 24 տոկոսը` 4027 մարդ:

Քաղաքապետի պաշտոնի համար պայքարն ընթացել է երկու թեկնածուների` ՀՀԿ-ական Արտավազդ Վարոսյանի եւ Կոմունիստական կուսակցության անդամ, սակայն ինքնաառաջադրված Կամո Բաբայանի միջեւ:

Հիշեցնենք, որ Ալավերդու նախկին քաղաքապետ Արթուր Նալբանդյանը, որը համայնքի ղեկավարն էր 2005 թվականից, հուլիսի 28-ին նշանակվել էր Լոռու մարզպետ: