Պատերազմը Թուրքիայում հետաձգվել է

Թուրքիայում ցմահ բանտարկության դատապարտված քրդական առաջնորդ Աբդուլլահ Օջալանը փաստաբանների միջոցով փոխանցել է, որ հունիսի 15-ին հայտարարված վերջնաժամկետը հետաձգվում է, քանի որ թուրքական իշխանությունների հետ բանակցությունները շարունակվում են: 

Ինչպես տեղեկացնում են թուրքական լրատվամիջոցները, Իմրալը կղզում փաստաբանների հետ հանդիպման ժամանակ Օջալանն ասել է, որ նախօրեին հերթական  հանդիպումն է ունեցել Թուրքիայի իշխանությունների կողմից ուղարկված պաշտոնական պատվիրակության հետ: 

Փաստաբան Դողան Էրբաշը լրագրողներին տեղեկացրել է, որ այսօր պաշտոնական հաղորդագրություն կտարածվի` Աբդուլլահ Օջալանի վերջնաժամկետի հետ կապված:

Հիշեցնենք, որ Օջալանը թուրքական իշխանությունների համար վերջնաժամկետ էր սահմանել հունիսի 15-ը` խոստանալով իր պահանջները չկատարելու դեպքում պատերազմ սկսել: «Իշխանություններն այդ պատերազմին 2 օր էլ չեն դիմանա»,- հայտարարել էր նա: