Քաղաքական դարձվածքներ

Decision making. Լ. Տեր-Պետրոսյանը սկսել է խոսել միջազգային տերմինաբանությամբ, և որպեսզի իր մտքերը չխաթարեն (!), հայերեն տերմինները փակագծերում ներկայացնում է նաև օտար լեզվով: Վերոբերյալ բառակապակցությունն ընդամենը նշանակում է «որոշումների կայացում»: Թե ո՜ր կարիքն է ստիպել նաև դա՜ անգլերեն ներկայացնել, գիտի միայն ինքը: Ակնհայտ է մի բան. հայերեն լեզվով հրապարակված «պատվիրակության»(delegation) կազմի «մանթոյից»(ìàíäðàæ) նույնիսկ անգլերենը (English) չի կարող փրկել:

Սակավապետը: «Կգնա իշխանությունը երկխոսության` լավ, չի գնա` էլի՜ լավ»,- ասել է Նիկոլ Փաշինյանը: Ի՜նչ ընդդիմություն է` սակավապետ, անշառ, «էլի լավով» բավարարվող: Լա՜վ էլի:

Լյուդմիլա Սարգսյան: «Կնիքով տիկինը»:

Դիվանագիտության «հայկական» բարձունքները: Հայաստանում Մեծ Բրիտանիայի դեսպան Չարլզ Լոնսդեյլն իր հայուհի կնոջ հետ հաղթահարել է Արագածի գագաթը, ականատես դարձել անկրկնելի տեսարանների: Չարլզի երջանկությունը միանգամայն հասկանալի է. մարդը սիրելի կնոջ հետ Արագած է նվաճել, ոչ թե օպերայի հարթակ:

Հրանտ Բագրատյան: Հայաստանի երրորդ հանրապետության պատմության մեջ երբևէ պաշտոնավարած ամենաանգութ-անխղճմտանք չինովնիկը, որ հրապարակավ հրաժարվել է տիրություն անել իր «լակոտներին»:

Ախ, իմ հայրենիքի քարը: Նախկին ՀՀՇ-ական Խաչատուր Քոքոբելյանի ստեղծած «Ազատ դեմոկրատներ» կուսակցությունը դեռևս ձևավորման փուլում է, այժմ մեծ թափով կուսակցական շինարարական աշխատանքներ են ընթանում: Չնայած նախագիծն ակնհայտ ամերիկյան է, բայց շինարարության մեջ Արթիկտուֆ էլ է օգտագործվելու:

Հմայակ Հովհաննիսյան: «Քաղաքական կզարանի» ուսմունքի հիմնադիրը, վերջերս նաև` կարմիր խնձորի նեղ մասնագետ:

Դարձվածքները` Լևոն Սարգսյանի