Օտարերկրյա գործարարները հեռանում են Ճապոնիայից

Ճապոնիայի ներդրումներ կատարած օտարերկրյա գործարարները Ֆուկուսիմայի ատոմակայանի պայթյունից հետո որոշել են փակել իրենց ձեռնարկությունները:

Գերմանական BMW եւ մեքենաների մասեր արտադրող Continental ընկերությունները դրանց շարքում են. տեղեկացնում է BBC-ն:

Ի դեպ, այսօր Տոկիոյի մոտակայքում դարձյալ երկրաշարժ է գրանցվել` 6 մագնիտուդով: Իշխանությունները հայտարարել են ցունամիի սպառնալիքի մասին, սակայն որոշ ժամանակ անց տագնապը դադարեցվել է:

Իսկ «Ֆուկուսիմա-1» ատոմակայանում բարձր ռադիացիայի պատճառով դադարեցվել են աշխատանքները,  սակայն, ըստ պաշտոնական հայտարարության, ռադիացիոն ֆոնը նվազում է, եւ երբ այն անվտանգ դառնա մարդկանց համար, աշխատանքները կվերսկսվեն: