Հաջորդ ընտրություններին չի առաջադրվի

Սուդանի նախագահ Օմար ալ Բաշիրն իր թեկնածությունը չի առաջադրելու հաջորդ ընտրություններում, տեղեկացնում է Reuters գործակալությունը՝ հղում անելով Սուդանի «Ազգային կոնգրես» կառավարող կուսակցության բարձրաստիճան աղբյուրին:

Ավելի վաղ հաղորդվել էր, որ 1989-ից երկիրը միանձնյա կառավարող Բաշիրը ժողովրդավարական բարեփոխումների շարք է պատրաստում: Մասնավորապես` նախագահի տարիքը նախատեսվում է սահմանափակել 60-ով: Նշվում էր, որ դրանից հետո պետության 67-ամյա ղեկավարը պատրաստվում է պաշտոնաթող լինել:

2011-ի հունվար-փետրվարին Սուդանում մի շարք հակակառավարական ելույթներ տեղի ունեցան, սակայն բողոքի այդ ակցիաները զգալիորեն փոքրամասշտաբ էին. դրանց մասնակցում էր մի քանի տասնյակ մարդ: