Գերակա ծրագրեր

ՀՀ տարածքային կառավարման նախարարի առաջին տեղակալ Վաչե Տերտերյանն այսօր լրագրողներին է ներկայացրել գերատեսչության գերակա խնդիրներն ու դրանց լուծմանն ուղղված քայլերը:

2011-ի ընթացքում նախարարության հիմնական անելիքը համայնքային բյուջեների եկամտային մասի ավելացումն ու տեղական ինքնակառավարման մարմինների կողմից կատարվող ծախսերի մոնիտորինգի իրականացումն է լինելու:

Նախարարությունում խոստանում են նաեւ բարելավել Հայաստանում տեղական ինքնակառավարման օրենսդրական բազան ու տեղական մակարդակում հանրային կառավարման արդյունավետությունը, ինչպես նաեւ հաստատված տարածքային զարգացման հայեցակարգից բխող, հակակոռուպցիոն միջոցառումներ իրականացնել:

Թիվ 4 գերակա խնդիրը Հայաստանի Հանրապետությունից սկիզբ առնող անկանոն միգրացիայի երեւույթի ուսումնասիրությունն ու կանխարգելումն է: