Թուրքիան զինում է Վրաստանին

«Ջորջիա նյուզ»-ը Վրաստանի պաշտպանության նախարարության մամլո ծառայությանը վկայակոչելով հաղորդում է, որ թուրքական բանակի սպայակույտը նոյեմբերի 25-ին տեխնիկական միջոցներ է փոխանցել Վրաստանի պաշտպանության նախարարությանը:

«Վրաստանը և Թուրքիան պաշտպանության ոլորտում արդեն վաղուց են համագործակցում: Այսօր թուրքական կողմը վրացական բանակին օգնություն է ցուցաբերել՝ փոխադրումների և թիկունքային ապահովման ոլորտների մեջ», ասել է Վրաստանի պաշտպանության նախարար Նոդար Խարշիլաձեն և աջակցության համար թուրքական կողմին շնորհակալություն հայտնել:

Թուրքիան Վրաստանին հատկացրել է ութ ինքնաշարժ և տարբեր մակնիշներով տեխնիկական սարքավորումներ: