Տավուշի դպրոցներում 22 ուսուցիչ ազատվել է աշխատանքից

Լրագրող Ոսկան Սարգսյանն իր ֆեյսբուքյան էջում հայտնել է, որ Տավուշի դպրոցներում 22 ուսուցիչ ազատվել է աշխատանքից։

«Տավուշի մարզպետ Հայկ Ղալումյանին տեղեկատվական հարցում եմ արել բարձրագույն կրթություն չունենալու և կամավոր ատեստավորումից բացասական արդյունք ունենալու պատճառով աշխատանքից ազատված ուսուցիչների թվի մասին։ Մարզպետարանից պատասխանել են, որ 2023-2024 թվականների ուսումնական տարվա նախաշեմին և ուսումնական տարվա ընթացքում Տավուշի մարզի հանրակրթական դպրոցներից բարձրագույն կրթություն չունենալու և կամավոր ատեստավորումից բացասական արդյունք ունենալու պատճառով ներկա դրությամբ աշխատանքից ազատվել է 22 ուսուցիչ:»: