Թուրքիայում 11.285 ուսուցիչ ազատվել է աշխատանքից

Թուրքիայում կրթության նախարարության կողմից 11.285 ուսուցիչ ազատվել է աշխատանքից: Ըստ Demokrathaber-ի՝ նրանք մեղադրվում են Գյուլենական շարժման հետ կապեր ունենալու մեջ:

Ուսուցիչներին աշխատանքից ազատելու վերաբերյալ հայտարարություն տարածած նախարարությունը չի բացառել նաև, որ աշխատանքից ազատման դեպքերը կարող են շարունակվել: Հետագայում աշխատանքից ազատված ուսուցիչների թիվը կարող է հասնել անգամ 14.000-ի:

Հիշեցնենք, որ Թուրքիայում ռազմական հեղաշրջման փորձից հետո հայկական Տիգրանակերտ (այժմ՝ Դիարբեքիր) նահանգում ելույթով հանդես եկած վաչապետ Բինալի Յըլդըրըմը հայտարարել էր, որ 14.000 ուսուցիչ կասկածվում է այդ երկրում ահաբեկչական համարվող Գյուլենական շարժման անդամ լինելու մեջ: