Ադրբեջանական ընկերությունը «քցել է» վրացի շինարարներին

Akkord Georgia շինարարական ընկերության (ադրբեջանական շինարարական և արդյունաբերական ներդրումային կորպորացիայի դուստր ձեռնարկություն) խաբված աշխատակիցները բողոքի ցույցեր էին կազմակերպել Թբիլիսիի քաղաքային դատարանի բակում և Վրաստանում Ադրբեջանի դեսպանատան շենքի դիմաց՝ պահանջելով կատարել դատարանի որոշումը և վճարել իրենց աշխատավարձերի պարտքերը։

Ըստ ցուցարարների՝ դատարանը բավարարել է իրենց հայցը, թեև պատիժը չի կատարվում։ Մոտ 200 աշխատակից ասում է, որ իրենց ընտանիքները սոցիալ-տնտեսական լուրջ խնդիրների առաջ են կանգնած և չեն կարողանում մարել բանկային վարկերը, ինչի պատճառով կորցնում են ֆինանսական հաստատություններում գրավադրված շարժական և ոչ անշարժ գույքը։

Նշենք, որ ադրբեջանական «Աքքորդ» շինարարական ընկերությունը ճանապարհների շինարարություն է իրականացրել Վրաստանի արևմտյան հատվածում, իսկ նախագիծը վերահսկել է երկրի ֆինանսների նախարարությունը։ Հատկանշական է, որ ընկերությունը Վրաստանում գործունեությունը սկսել է Միխեիլ Սահակաշվիլիի նախագահության օրոք: