«Խենթ օրեր» երաժշտական միջազգային ամենամյա փառատոնը Եկատերինբուրգում

Հուլիսի 2-ից  4-ը Եկատերինբուրգում անցկացվեց «Խենթ օրեր» երաժշտական միջազգային  ամենամյա փառատոնը: Այս տարի այն կրում էր «Ոչ պատահական հանդիպումներ» խորագիրը:

Փառատոնի շրջանակներում կազմակերպվել  էին 100-ից ավելի համերգներ, որոնց ներկա գտնվեցին տասնյակ հազարավոր ունկնդիրներ:

Մասնակից երկրներն էին Ռուսաստանը, Հայաստանը, Ֆրանսիան և Ճապոնիան: Հայաստանից մասնակցում էին Արամ Խաչատրյանի անվ.  տրոյի երաժիշտներ՝ Արամ Խաչատրյանի տուն-թանգարանի տնօրեն,  միջազգային մրցույթների  դափնեկիր, պրոֆեսոր, դաշնակահար  Արմինե Գրիգորյանը և միջազգային մրցույթների  դափնեկիր, ջութակահար Կարեն Շահգալդյանը:

Երաժիշտները հանդես եկան զանազան  ծրագրերով՝ համագործակցելով անվանի երաժիշտ կատարողների հետ, որոնց թվում՝ ֆրանսիացի կլարնետահար Ռաֆայել Սևերը, ՌԴ-ի վաստակավոր արտիստ, թավջութակահար  Բորիս Անդրիանովը և այլոք:

Ելույթները արժանացան բարձր գնահատանքի և ջերմ ընդունելության և լայնորեն լուսաբանվեցին ռուսական մամուլում:

Փառատոնի կազմակերպիչներն ՌԴ մշակույթի նախարարությունը, Սվերդլովսկի ֆիլհարմոնիան, որի հետ Արամ Խաչատրյանի տուն-թանգարանը ձեռք բերեց հետագա համագործակցության պայմանավորվածություններ: