Պուտինը հեռագիր է հղել Թրամփին

Ռուսաստանի Դաշնության նախագահ Վլադիմիր Պուտինը հեռագիր է հղել իր ամերիկացի գործընկեր Դոնալդ Թրամփին` նրան ու կնոջը շուտափույթ ապաքինում մաղթելով: Բացի այդ՝ ռուս նախագահն իր անկեղծ աջակցություն է հայտնել այս դժվարին պահին. հայտնում է ՏԱՍՍ-ը:

Հեռագրում նշված է. «Վստահ եմ, որ Ձեզ բնորոշ կենսունակությունը, լավ տրամադրությունն ու լավատեսությունը կօգնեն հաղթահարել վտանգավոր վիրուսը»:

Հիշեցնենք՝ այսօր առավոտյան Թրամփը Twitter-ում հայտարարել էր, որ ինքն ու առաջին տիկին Մելանյա Թրամփը կորոնավիրուսով են վարակվել:

Ավելի վաղ հայտնի էր դարձել, որ կորոնավիրուս էր ախտորոշվել նրա օգնականի մոտ, որն ուղեկցում էր ԱՄՆ նախագահին վերջին ուղևորությունների ժամանակ: