Բրիտանական թանգարանը և Samsung-ը համատեղ նախագիծ են իրականացնում երեխաների ու երիտասարդության համար

Համավարակի ժամանակահատվածում և դպրոցական արձակուրդներին տանը գտնվող երեխաների ու երիտասարդների համար Samsung Electronics  ընկերությունը և Բրիտանական թանգարանը համատեղ ներկայացրել են առցանց ուսուցողական ծրագրերի շարք. ըստ yerkir.am-ի` հայտնում է kulturomania.ru կայքը:

«Աշխարհի շուրջը մեկ օրում» ծրագրերը հասանելի են անվճար Samsung KX նորարարական տարածության կայքում 2020-ի հուլիսի 10-ից:

Հինգ ծրագրերից յուրաքանչյուրն ընդգրկում է աշխարհում հայտնի տարատեսակ ճարտարապետական շինություններ` ամրոցներ, մարզադաշտեր, հոգևոր կառույցներ ու տներ:

Երեխաները և երիտասարդները կարող են ստեղծել սեփական նախագծերը նկարչության համար նախատեսված հատուկ հավելվածների,  Minecraft-ի և այլ գործիքների միջոցով: