Ճապոնիայում կորոնավիրուսի նոր «ռապիդ թեստ» են մշակել

Ճապոնիայում առաջատար դեղագործական ընկերություններից մեկը՝ Shionogi-ն, պաշտոնապես հայտարարել է կորոնավիրուսի նոր ռապիդ թեստի մշակման մասին. այս մասին հայտնում է ՏԱՍՍ-ը, նշելով՝ այն թույլ է տալիս վարակն ախտորոշել 30 րոպեում առանց բարդ սարքավորումների եւ մասնագետների, ինչի մասին ասվում է կորպորացիայի կայքում։ 

Նշվում է՝ թեստը հիմնված է թքի նմուշի վրա, որը ճշգրտորեն ցույց է տալիս կորոնավիրուսի առկայությունն ու չի զիջում ՊՇՌ-թեստերին: Նոր մեթոդը մշակել են Նիհոնի, Հումմի համալսարանների եւ Տոկիոյի բժշկական համալսարանի հետազոտողները:

Shionogi ընկերությունն առաջարկում է նոր թեստերը փորձարկել Ճապոնիա մուտք գործող ուղևորների վրա:

Հիշեցնենք՝ աշխարհում պանդեմիայի սկզբից վարակվել է ավելի քան 8,7 մլն մարդ, ավելի քան 460 000 մարդ մահացել է:

Մասնավորապես, Ճապոնիայում վարակվել է 18.6 հազար մարդ, որից մահացել է 970-ը: