Որ օճառն է արդյունավետ կորոնավիրուսի դեմ

Չնայած տարածում գտնած կարծիքին` հակամանրէային օճառը համաճարակի ժամանակ ձեռքերը լվանալու ամենալավ միջոցը չէ: M24.ru-ի հետ զրույցում ասել է բժիշկ Լյուդմիլա Լապան` ընդգծելով, որ ձեռքերն անհրաժեշտ է լվանալ 20  վայրկյանից ոչ պակաս. տեղեկացնում է Yerki.am-ը:

Նրա խոսքով` սովորական ու հակամանրէային օճառների տարբերությունն այնքան էլ մեծ չէ: Իսկ վիրուսների դեմ պայքարող ամենաարդյունավետ օճառները մանկական և տնտեսական օճառներն են: Դրանցում կան բաղադրիչներ, որոնք մաքրում են բոլոր աղտոտությունները, մանրէներն ու վիրուսները:

Ըստ բժշկի` լավ պաշտպանիչ հատկություններ ունեն F վիտամինով կրեմները. վիրուսը նստում է կրեմի շերտին, հետո հեշտությամբ այն կարելի է լվանալ:

Նրա կարծիքը հաստատում է բժիշկ-իմունաբան Վլադիսլավ Ժեմչուգովը, ըստ նրա` վիրուսի լիպիդային կառուցվածքը քայքայվում է օճառի ազդեցության տակ, նույնիսկ եթե հակամանրէային հավելումներ չկան: