Մի քանի տասնյակ փաստաբաններ պատրաստ են ստանձնել Դավիթ Գրիգորյանի պաշտպանությունը. Ռուբեն Մելիքյան

Իրավական ուղի» հասարակական կազմակերպության համահիմնադիր Ռուբեն Մելիքյանը ֆեյսբուքյան իր էջում գրառում է կատարել` տեղեկացնելով, որ տասնյակ փաստաբաններ պատրաստակամություն են հայտնել ստանձնելու դատավոր Դավիթ Գրիգորյանի պաշտպանությունը:

«Մի քանի տասնյակ փաստաբան արդեն հրապարակավ հայտնել է պատրաստակամություն՝ ստանձնելու դատավոր Դավիթ Գրիգորյանի պաշտպանությունը։ Գործընթացը շարունակվում է։ Միացե՛ք ու միասին պաշտպանենք մեր իրավունքը և մեր պետությունը»,- գրել է Մելիքյանը։ Պաշտպանության մասին հրապարակային գրառումներ են կատարել փաստաբաններ Լուսինե Վիրաբյանը, Վարազդատ Հարությունյանը, Տիգրան Սիմոնյանը, Ալեքսանդր Կոչուբաևը, Հասմիկ Մարտիրոսյանը: