ԱՄՆ-ը մտադիր է փակել Իրանի` մետաղների արտահանումից եկամտի աղբյուրները

Իրանի տնտեսության՝ մետաղների արտադրության հետ կապված հատվածների դեմ ԱՄՆ-ի նոր պատժամիջոցները նպատակ ունեն զրկել Թեհրանին եկամտի խոշորագույն աղբյուրներից մեկից: Այդ մասին հայտարարել է Սպիտակ տանը կից Առևտրի ազգային խորհրդի ղեկավար Փիթեր Նավարոն՝ Financial Times թերթում հրապարակված հոդվածում. հայտնում է ТАСС-ը:

Ըստ հոդվածի հեղինակի` այդ միջոցառումների նպատակն է կանխել այդ հնարավորությունների կիրառումը «հրթիռների մշակման, ահաբեկչական խմբավորումների ֆինանսավորման  և տարածաշրջանային հակամարտությունների հրահրման համար»:

Նշվում է, որ միայն նավթի վաճառքից Իրանը 2018 թվականին ստացել է 4,2 մլրդ դոլար, ինչը 53 տոկոսով ավելի է, քան նախորդ տարի: «Առանց այդ պատժամիջոցների` պողպատի արտահանումից Իրանի եկամուտները զգալիորեն կաճեին»,- ենթադրում է Նավարոն:

Նրա կարծիքով` Սպիտակ տան նոր պատժամիջոցները պետք է էականորեն սահմանափակեն իրանական մետաղների արտահանումը հիմնական սպառման շուկաներ, այդ թվում՝ Ինդոնեզիա, Թաիլանդ, Իրաք, Թուրքիա, Արաբական Միացյալ Էմիրություններ և Եգիպտոս: