Փաշինյանը կրկնում է իմ բարեփոխումները. Սահակաշվիլի

Վրաստանի նախկին նախագահ Միխեիլ Սահակաշվիլին հայտարարել է, որ Հայաստանի ներկայիս կառավարությունն ու վարչապետ Նիկոլ Փաշինյանն իրենց բարեփոխումներում գնում են իր հետքերով և կրկնում իր հաջողությունները: Այդ մասին Սահակաշվիին ասել է «Ռուսթավի-2» հեռուստաընկերությանը տված հարցազրույցում. հայտնում է Еркрамас-ը:

«Հայաստանում երիտասարդությունը լայնորեն ուսումնասիրում է վրացական բարեփոխումների մասին իմ գիրքը և շատ բաներ կրկնում: Այդ թվում՝ կրկնում են իմ հաջողությունները և փորձում չկրկնել իմ սխալները»,- հայտարարել է Սահակաշվիլին:

Անցյալի իր գլխավոր սխալներից մեկը Վրաստանի նախկին նախագահը համարում է այն, որ ժամանակին պատասխանատվության չի ենթարկել Նինո Բուրջանաձեին և Բիձինա Իվանիշվիլիին, ովքեր, նրա գնահատմամբ, Վրաստանում Ռուսաստանի գլխավոր հենարանն են: