ՀՀ սահմանային պաշտպանությունը շուրջ 100 կմ ավելացել է, Արցախի 283 կմ-ը ավելացրել է Ադրբեջանի հետ սահմանը Զոդից մինչև Մեղրի, պետք է վերանայել պաշտպանական ռազմավարությունը. Սեյրան Օհանյան

«Հայաստանի սահմանային պաշտպանությունը շուրջ  100 կմ ավելացել է. Ղարաբաղի 283 կմ-ին ավելացվել է Ադրբեջանի  հետ սահմանը՝ Զոդից մինչև Մեղրի»,-  ԱԺ-ում «Զինվորական ծառայության և  զինծառայողի կարգավիճակի մասին» օրենքում փոփոխություն կատարելու մասին օրենքի նախագծի քննարկմանն ասաց «Հայաստան» խմբակցության ղեկավար, Պաշտպանության նախկին նախարար Սեյրան Օհանյանը։

Սեյրան Օհանյանի խոսքով՝  դրանից ելնելով պետք է որոշում ընդունել, թե ինչպիսին պետք է լինի ազգային անվտանգության ռազմավարությունը և ՊՆ-ն  պետք է վերանայի պաշտպանական  ռազմավարությունը,  դրանից բխող  հարցերով պետք է ինքն իր համալրման ամբողջ գործընթացը կազմակերպի։

«Այսօր  տենում ենք, որ բանակում սահմանային ծառայության մեջ  ընդգրկված են բավականին մեծ  քանակությամբ և զորահավաք,  նաև երկրապահներ, իսկ դրանց ընդգրկումը Զինված ուժեր ազդում է  Զինված ուժերի կարգապահության վրա»,- ասաց Սեյրան Օհանյանը։

Մանրամասն՝ տեսանյութում։