«Ողջույն, ասկյա՛ր». Մերկելը՝ Թուրքիայում

Գերմանիայի կանցլեր Անգելա Մերկելը ժամանել է Թուրքիա:

Ըստ AA-ի՝  Մերկելի այցը կայացել է Թուրքիայի վարչապետ Ահմեդ Դավութօղլուի հրավերով: Դիմավորման պաշտոնական արարողության ժամանակ Մերկելը թուրքերենով ողջունել է զինվորներին՝ ասելով. «Ողջույն, ասկյա\'ր»:

Կայքը հայտնում է, որ Մերկելը Դավութօղլուից հետաքրքրվել է մայրաքաղաք Անկարայի բնակչությամբ: Դավութօղլուի խոսքով՝ Անկարայի բնակչության թիվը 6 միլիոն է:

Այնուհետև, Դավութօղլուի ուղեկցությամբ, Գերմանիայի կանցլերն այցելել է Անըթքաբիր՝ Աթաթուրքի դամբարան, ուր հուշատետրում գրառում է արել. «Թուրքիայի և Գերմանիայի ժողովուրդները հատուկ բարեկամական հարաբերությունների մեջ են: Խորին հարգանքներս`  ժամանակակից Թուրքիայի Հանրապետության նախահայր և դեպի Եվրոպա տանող ճանապարհի կերտող Մուսթաֆա Քեմալ Աթաթուրքի հիշատակին»:

Այցի շրջանակներում կքննարկվեն Թուրքիա-Եվրամիություն հարաբերությունները, երկկողմ, ինչպես նաև փախստականներին վերաբերող հարցեր:

Նշենք, որ երկու ամսվա ընթացքում սա Մերկելի երկրորդ այցն է Թուրքիա: