Դատարանը հեռացավ` Հայկ Կյուրեղյանի գործով վճիռ կայացնելու

Քիչ առաջ Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր Արմեն Բեկթաշյանը հեռացավ խորհրդակցական սենյակ` Հայկ Կյուրեղյանի գործով վճիռ կայացնելու:

Կյուրեղյանն իր ճառում ասաց, որ եթե իրեն դատապարտեն 14 տարվա ազատազրկման, ինքն այդքան չի նստի, քանի որ «ռեժիմն այդքան չի ձգի»: 

Հիշեցնենք, որ մեղադրող դատախազը Կյուրեղյանի համար պահանջել էր 14 տարվա ազատազրկում: Հայկ Կյուրեղյանն առաջադրված մեղադրանքում իրեն մեղավոր չճանաչեց:

Հայկ Կյուրեղյանին մեղադրանք է առաջադրվել երկու հոդվածով՝ ՀՀ քրեական օրենսգրքի 258-րդ հոդվածի 4-րդ մաս՝ խուլիգանություն, և ՀՀ քրեական օրենսգրքի 316-րդ հոդվածի 2-րդ մաս՝ իշխանության ներկայացուցչի նկատմամբ բռնություն գործադրելը:

Վճիռը կհրապարակվի սեպտեմբերի 15-ին: