Արցախում ընտրություններ են

Այսօր Լեռնային Ղարաբաղի Հանրապետությունում խորհրդարանական ընտրություններ են:

Ընտրատեղամասերը բացվել են 11 ընտրատարածքների 279 ընտրատեղամասերում: Ի դեպ,  Երևանում ևս ընտրատեղամաս կա` ԼՂՀ ներկայացուցչության շենքը:

Արցախի Ազգային ժողովի 33 մանդատից 22-ը համամասնական ընտրակարգով ընտրվածների համար է,   11-ը՝ մեծամասնական:
Ընտրություններին մասնակցում են ՀՅԴ-ն, «Շարժում-88»-ը, «Խաղաղություն և զարգացում», Լեռնային Ղարաբաղի կոմունիստական, Արցախի Ժողովրդավարական, «Ազգային վերածնունդ», «Ազատ հայրենիք» 
կուսակցությունները:

Ընտրացուցակներում ընդգրկված է 101.653 ընտրող: 

Ի դեպ  դիտորդական առաքելությամբ Արցախ են ժամանել օտարերկրյա 101 դիտորդ, ինչպես նաև` արտասահմանյան մի շարք ԶԼՄ-ների ներկայացուցիչներ` լուսաբանելու խորհրդարանական ընտրությունները:  

Ընտրությունների ընթացքի վերաբերյալ  Արցախում  Yerkir.am-ի   թղթակիցը մանրամասներ կհաղորդի  ողջ օրվա ընթացքում: