Երբեմն չեմ հասկանում` ինչ եմ անում կամ ասում. Սերժ Թանկյան

«Երբեմն չեմ հասկանում` ինչ եմ անում կամ ասում, որովհետև ստեղծագործողը կորչում է երաժշտության մեջ»,- այսօր «Թումո»-ում հայտարարեց Սերժ Թանկյանը: Ըստ նրա` երաժշտության ընկալումը հանդիսատեսի կողմից նման է պիցցայի` ոմանք սիրում են վրայի շերտը, ոմանք` տակի լոշիկը:

«Երբեք չես կարող պարտադրել հանդիսատեսին քո տեսակետը երաժշտության ընկալման հարցում: Ամեն մեկն իր միջով է անցկացնում երաժշտությունը և ընկալում այդ կերպ»,- ասաց նա:

Խոսելով հայկական երաժշտությանը բնորոշ առաջին առանձնահատկության մասին, երբը լսելիս կարող ես հստակ որոշել` երաժշտությունը հայկակա՞ն է, թե՞ ոչ, Թանկյանը նշեց, որ դա դուդուկն է: Դա այն տարրն է, որը միանգամից ճանաչելի է դարձնում հայկական երաժշտությունը: «Դրա համար էլ դուդուկը նաև հայկական ֆիլմերում է շատ հնչում»,- ասաց նա: