՛՛Տուրբո՛՛-ն էլի ՛՛մարդ է ուտում՛՛

«Ժողովուրդ»-ի լավատեղյակ աղբյուրների փոխանցմամբ՝ մոտ մեկ ամիս առաջ լուրջ ընդհարում է եղել Երևանի քաղաքապետարանի անշարժ գույքի կառավարման վարչության պետ Արսեն Ամյանի ու Երևանի ավագանու ՀՀԿ-ական անդամ Աշոտ Պապայանի (Տուրբո մականվամբ) միջև: Ականատեսների վկայությամբ՝ վեճն այնքան է թեժացել, որ քաղաքապետարանի միջանցքում Աշոտ Պապայանն ապտակել է Արսեն Ամյանին: 

Երեկ՝ ողջ օրվա ընթացքում, թերթը փորձել է այս առիթով մեկնաբանություն ստանալ Երևանի քաղաքապետ Տարոն Մարգարյանի մամլո խոսնակ Շուշան Սարդարյանից, սակայն վերջինս հեռախոսազանգերին և հաղորդագրություններին համառորեն չի արձագանքել:

Հիշեցնենք, որ Աշոտ Պապայանը Երևանի ավագանու ընտրությունների ժամանակ Նոր Նորք վարչական շրջանում խոչընդոտել էր լրագրող Հակոբ Կարապետյանի աշխատանքին: Նրան արգելել էր նկարահանել, քաշքշել էր և ձեռքից վերցրել տեսախցիկը, ապա, ջնջելով բոլոր ֆայլերը, վերադարձրել: