Հոգեւորականները դժգոհում են իսրայելական ոստիկանությունից

Երուսաղեմի տասնյակ բարձրաստիճան քրիստոնյա հոգեւորականներ հայտարարել են, որ իսրայելական ոստիկանությունը «դաժանաբար է վերաբերվում» հոգեւորականությանը: Մասնավորապես` ուղղափառ Զատկի արարողության ժամանակ ոստիկանների գործողություններից դժգոհում են ղպտի եկեղեցու ներկայացուցիչները. տեղեկացնում է mignews.com-ը:

Քրիստոնեական հարանվանությունների առաջնորդները համատեղ նամակ են գրել` ներկայացնելով համընդհանուր մտահոգությունն այդ կապակցությամբ: Ըստ նրանց` ոստիկանները ուժ են գործադրել` չթույլատրելով հոգեւորականներին եւ ուխտավորներին Ավագ շաբաթ օրն այցելել սրբավայրեր:

Իսրայելական ոստիկանությունը հայտարարում է, որ իրենք որեւէ պաշտոնական բողոք նման միջադեպերի մասին չեն ստացել: